له چه‌مچه‌ماڵ، ژنێك به‌ یه‌ك سك چوار منداڵی بوو

  سه‌رچاوه‌یه‌ك له ‌نه‌خۆشخانه‌ی پێشڕه‌و له‌ چه‌مچه‌ماڵ ئاشكرايكرد: ڕۆزى دووشه‌ممه ( 27/10/2008) ژنێكی دانیشتووی ناحییه‌ی ته‌كییه‌ به ‌یه‌ك سك چوار منداڵی بووه‌.
هه‌روه‌ها سه‌رچاوه‌كه‌ ئه‌وه‌شی وت: ته‌واوی ئه‌و منداڵانه‌ كه‌ له‌دایكبوون كچن و به‌شێوه‌یه‌كی ئاسایی له‌دایكبوون و كێشیشان ئاساییه‌، به‌ڵام به‌ هه‌شت مانگی له‌دایكبوون.
وتیشی: دوای چه‌ند سه‌عاتێك له‌ له‌دایكبوونیان یه‌كێك له‌ منداڵه‌كان گیانی له‌ده‌ستداو ئێستا سیانیان ماوه‌.
دایكی منداڵه‌كه‌ وتی: زۆر خۆشحاڵم به‌ له‌دایكبوونی ئه‌و منداڵانه‌، به‌ڵام له‌هه‌مانكاتیشدا نیگه‌ران بووم به ‌مردنی یه‌كێك له ‌منداڵه‌كان.