ڤیتامین (سی‌) ئه‌گه‌ریی‌ تووشبوون به‌ شه‌كره‌ كه‌مده‌كاته‌وه

 ‌ به‌پێی‌ توێژینه‌وه‌یه‌كی‌ زانستی‌ بوونی‌ ڤیتامین سی‌ به‌بڕی‌ زۆر له‌ژه‌مه‌ خۆراكدا، یارمه‌تیده‌ره‌ له‌كه‌مكردنه‌وه‌ی‌ مه‌ترسییه‌كانی‌ تووشبوون به‌نه‌خۆشی‌ شه‌كره‌.
چه‌ند توێژه‌ره‌وه‌یه‌ك له‌ئینگلته‌را روونیانكرده‌وه‌، ئه‌و كه‌سانه‌ی‌ رێژه‌یه‌كی‌ زۆر ڤیتامین سی‌ له‌خوێنیاندایه‌ له‌ماوه‌ی‌ 12 ساڵدا كه‌متر تووشی‌ نه‌خۆشی‌ شه‌كره‌ ده‌بن له‌وانه‌ی‌ رێژه‌یه‌كی‌ كه‌م ڤیتامین سی‌ له‌خوێنیاندایه‌.
خاتوو نیتا جی‌ فۆرۆهی‌ له‌په‌یمانگای‌ زانستی‌ خۆراك له‌كامبریج له‌ئینگلته‌را ده‌ڵێت: سه‌وزه‌‌و میوه‌ سه‌رچاوه‌ی‌ سه‌ره‌كی‌ ڤیتامین سین‌و ئه‌نجامی‌ توێژیینه‌وه‌كه‌ش ئه‌و په‌یامه‌ دووپاتده‌كاته‌وه‌ كه‌ سه‌وزه‌‌و میوه‌ چ گرنگییه‌كیان هه‌یه‌ له‌ژیانی‌ مرۆڤدا.